Пентатоник Долгионы нарийн мэдрэмж

Соёлын гавьяат зүтгэлтэн, Монголын “Пентатоник” академын ерөнхийлөгч, хөгжмийн зохиолч Б.Долгионыг бид ПАПАРАЦИ  зургандаа онцолж байна.  Сэтгүүлч байсан Б.Долгион урлагт уруу татагдаж, орцны улаан буланд гитар даран дуулдаг байсан гэдгээ дурсан ярих дуртай.

Аав, ижий нь дуулах авьяастай байсан учраас дүү Б.Ангирмааг нь ч бас урлагийн хүн болоход нь нөлөөлсөн гэдэг. Өдгөө нэгэн гэрийн ах дүү болох Б.Долгион, Б.Ангирмаа нар рок попын ертөнцөд өөрийн гэсэн байр сууриа аль хэдийнэ тамгалсан. Ах дүүс шинээр төрөн гарч буй уран бүтээлчдэд өөрсдийн алтан сургаалиа хайрлан, рок попын урлагтаа хүчин мөхөс болтлоо зүтгэхээ үргэлж батлан харуулдаг билээ. Ингээд ноён Долгионы сүүийн үеийн зурагнаас уншигч тантай хуваалцая. Ер нь л хэзээ хэзээнээсээ хослолоор гангардаг түүний хүзүүндээ зүүсэн алчуур нүдэнд тусаад авна лээ. Пентатоник Долгионы нарийн урлагийн мэдрэмж ч нарийн, загварын мэдрэмж ч нарийн шүү. 

ЗОЛ

PAPARATSI.MN