Бурхан минь Нора-д “хөх” хайрлаач

Анх “Үнсгэлжин” наадамд оролцож загварт хөл тавьсан бяцхан Нора өдгөө дэлхийн нэртэй агентлагийн модель болсон. Д.Оюунномин буюу Нора сүүлийн үед цахим ертөнцийн шуугианы эзэн болсоор байна. “Бурхан минь энэ амьтанд хөх хайрлаач” гэж нэгэн жиргээч твиттер хуудаснаа бичсэнээр Норагийн ээлжит бухимдал гэхээсээ илүүтэй эмзэглэлийг төрүүлээд авав.

Тэрээр “Би 181 см, 52кг жинтэй модель хүн. Өнөөдөр би ажлын зурагнаасаа болоод доромжлол, шүүмжлэл, егөөдөл аль нь гэж хэлж болохгүй зүйлтэй тулгарлаа. Үүнээс харахад яг өнөөдөр Монголд хичнээн мянган сайхан охид хүүхнүүд гадаад төрх, жижиг том хөх, тарган туранхай байдлаасаа болж эсрэг хүйснийхээ хүчирхийлэл, дарамт шүүмжлэл, шаардлага дунд ажиллаж амьдарч явдагийг төсөөлшгүй” хэмээн цахим хэрэглэгчидтэйгээ өөрийн үзэл бодлоо илэрхийлсэн юм. Хөх, өгзөгний хэмжээгээр хүний тархи оюун ухааныг хэмждэг өөнтөгч зантнуудыг харин ч нэг жинтэйхэн шиг шүүмжлээд авсан Нора мөн намайг зөвхөн “модель” гэх гатегорид битгий хаш. Би залуу хүн хүссэнээрээ амьдармаар байна хэмээн сүүлд хийсэн лайв бичлэгээрээ дахин дахин аминчлан захив.

Эх сурвалж: Шуурхай.мн