“Miss World Mongolia”-ийн үндэсний ялагчийн титмийг гардуулах ёслол болж байна

АНУ-ын Мэрилэн мужид 12 сарын 18-нд болох Дэлхийн миссийн тэмцээн буюу “Miss World 2016” тэмцээнд А.Баярцэцэг оролцохоор болсонтой холбогдуулан “Miss World Mongolia”-ийн үндэсний ялагчийн титмийг гардуулах ёслол өнөөдөр боллоо. Уг арга хэмжээг “Asian future” компани зохон байгуулсан юм.

А.Баярцэцэг өнгөрсөн жил болсон “Miss World Mongolia” тэмцээний “Зорилго бүхий гоо сайхан” тодотголтойгоор тэргүүн дэд миссээр шалгарч байсан юм. Мөн Австри улсад болсон Эх дэлхийн миссийн тэмцээнд Монгол улсаа төлөөлөн амжилттай оролцож байсан. Тэрээр “Miss earth” тэмцээнд шилдэг 16-д шалгарч, Монгол орноо сурталчилсан Эко-видео нь шилдэг дөрөвт шалгарч “Youtube” сүлжээнд 210 мянга гаруй хандалт авч байсан юм.

 Түүний боловсрол эзэмшсэнээс дурьдвал  КТМС-д маркетингийн менежментийн чиглэлээр, Өмнөд Африкийн Дурбан хотын “Mancosa management college”-д ОУ-ын бизнесийн удирдлагын чиглэлээр бакалаврын зэрэг хамгаалсан байна. Мөн Испанийн Мурсиа хотын их сургуульд оюутан солилцооны хөтөлбөрөөр нэг жил суралцаж төгсчээ. Испанид байхдаа “Escala” загварын агентлагт ажиллаж, 2008 оноос хойш “Торго” агентлагт загвар өмсөх болжээ.

 Тэрээр загвар өмсөхийн хажуугаар жүжиглэх авъястай нэгэн юм. Тухайлбал, “Netflix”-ийн МаркоПоло цувралд туслах дүр бүтээхийн сацуу, залуу Хубилайн дүрд дуу оруулсан байна. Мөн алдарт найруулагч Кристофер Копполагийн “Deadbeats” тэргүүтэй Монгол, Америкийн бүрэн болон богино хэмжээний 4 кинонд гол дүр, “Миний эхнэр тагнуулч”, “My sacred Blood”, “White on rise” зэрэг 9 кинонд туслах дүр бүтээжээ

Эх сурвалж: Breakingnews.mn

Б.Янжиндулам