Фэйсбүүкээр танилцаад, оршуулгын газар аваачин дээрэмджээ

Эрүүгийн цагдаагийн газрын Цахим гэмт хэрэгтэй тэмцэх хэлтсийнхэн, Баянзүрх дүүргийн иргэн 23 настай А, 28 настай С, Сүхбаатар дүүрэгт оршин суух М нарыг бусдыг залилан мэхэлсэн, айлган сүрдүүлж, дээрэмдсэн гэх хэрэгт сэжиглэн шалгаж байна. Сэжигтэн этгээдүүд нь, фэйсбүүкт хуурамч хаягаар дамжуулан бусдыг хуурч мэхлэн уулзаж, гар утас, мөнгийг нь дээрэмджээ.

Түүгээр ч зогсохгүй оршуулгын газарт аваачиж ухсан нүхэнд хийн, аминд нь халдахаар айлган сүрдүүлсэн гэмт хэрэг үйлджээ. Мөн Хан-Уул дүүрэгт оршин суух 20 настай Б бусдын фэйсбүүкийн нууц үгийг олж аван, 20 гаруй иргэнийг 12 удаа залилан мэхэлж, мөнгө авсан хэргийг дээрх хэлтсийнхэн илрүүлэн шалгаж байна.

Medee.MN