Үндэсний шилдэг загваруудаар гадныхныг бишрүүллээ

Орос Монголын хооронд дипломат харилцаа тогтоосны 95 жилийн ойд зориулсан соёлын арга хэмжээний хүрээнд Шилмэл загвар компаний урласан ноос ноолууран өдөр тутмын хувцас, торго болон эсгийгээр хийсэн үндэсний хувцас, гоёлын хувцас, өдөр тутмын  хувцасны коллекциудыг арьсан гутал цүнх бүсний иж бүрдэлтэйгээр үндэсний бахархал болсон загваруудыг толилууллаа.

Тус загваруудыг Шилмэл загварын модель- дэлхийн сүпер модель тэмцээний Гран-при шагналтан  Шинэтуяа, Miss Mongolian тэмцээний тэргүүн байрын шагналтан Батцэцэг, Asian super model тэмцээний тэргүүн байрны шагналтан Алтантуяа гэх мэт олон туршлагатай загвар өмсөгчид загварын хувцсыг тайзнаа амилуулсан нь Монгол улсаа сурталчилж олныг бишрүүлж чадлаа. Энэхүү соёлын арга хэмжээ нь Москва хотын Lotte зочид буудалд маш өндөр хэмжээнд зохион байгуулагдсан ба гадны элчин сайд, төлөөлөгчид хүрэлцэн ирж өндөр сэтгэгдэлтэй байснаа илэрхийлсэн юм.