Пак Кын Хе Xойд солонгосчуудыг “эх орондоо урилаа”

Өмнөд Солонгос улсын ерөнхийлөгч Пак Кын Хе БНАСАУ-ын иргэдэд хандан “эх орондоо ирэхийг урьсан” байна. Тэрбээр Хойд Солонгосын иргэдийн өдөр бүр нүүр тулж буй хүнд нөхцөл байдлыг ойлгож, шинэ амьдрал, итгэл найдвар хайсан хүмүүст хаалгаа онгорхой байлгана гэжээ. Пак Кын Хе зэвсэгт хүчний баярын өдрөөр хэлсэн үгэндээ “эрх чөлөө, ардчилал, хүний эрх, нийгмийн халамж бол та бүхний эдлэх ёстой үнэт зүйл” хэмээсэн байна. Мөн Пхеньян цөмийн туршилт хийсээр байвал Өмнөд Солонгос улс өөрийгөө хамгаалах арга хэмжээ авна гэсэн юм. НҮБ-Аюулгүйн зөвлөл болон олон улс Пхеньяны эсрэг хоригоо чангатгасны дээр үерийн гамшгийн улмаас иргэдийн амьдрал хүнд байгаа аж. Хойд Солонгос дөрөв дэх удаагаа цөмийн туршилт хийснээр олон улсын хатуу хоригтой нүүр тулсан юм.

Өмнө нь Хойд Солонгосын нэг цэрэг хилийн зэвсэггүй бүсээр дамжин Сөүл рүү урвасан юм.

Хойд болон Өмнөд Солонгос нь 1950-1953 онд өрнөсөн дайнаас хойш 4 км урт зэвсэггүй бүсээр хоорондоо хиллэдэг билээ. Өмнө нь 2015 онд Хойд Солонгосоос зэвсэггүй бүсээр дамжин өсвөр насны хүү Өмнөд ирж байжээ.

1950-аад оноос хойш Хойд Солонгосоос 30 мянга орчим хүн Өмнөдөд зугтан ирсний олонх нь Хятадаар дамжин ирсэн байна. 

Эх сурвалж: ВВС