Долоон настай хүүгийн амийг аавынх нь нууц амраг захиалгаар хөнөөлгөжээ

Дорнод аймгийн Хэрлэн суманд энэ сарын 6-ны өдөр долоон настай хүүгийн амийг захиалгаар хөнөөлгөсөн аймшигт хэрэг гарч олныг цочирдууллаа.

Тодруулбал, талийгаач хүүгийн эцэгтэй гэр бүлээс гадуур харилцаатай байсан С гэгч эмэгтэй бусдад 200 мянган төгрөг өгч хүүгийн амь насыг захиалгаар хөнөөлгөсөн болох нь мөрдөн байцаалтын явцад тогтоогджээ.

Сэжигтэн С нь өөрөө нэг нас гарантай нялх хүүхэдтэй бөгөөд талийгаач хүүгийн аав “хүүгээ бодоод эхнэрээсээ салж чадахгүй” гэж хэлэхээр нь хүн хөлсөлж 200 мянган төгрөг өгөөд хүүхдийнхэн амийг хөнөөлгөсөн талаар албаны эх сурвалж мэдээллээ.

Талийгаач хүү ЕБС-ын хоёрдугаар ангид суралцдаг байсан байсан аж.

Энэ хэргийн талаар одоо 14.00 цагт Цагдаагийн ерөнхий газрын Хэвлэл, мэдээллийн төвөөс мэдээлэл хийх юм байна.