“Монгол охидыг минь худалдаалж байна”

Мөнгө төгрөгний гачигдалд орж хангалуун амьдрах нөхцөл байхгүй хэмээн гадаадын улс орныг зорин ажил хийхээр явах залуусын тоо нэмэгдсээр байна. Монголд ажил хийе гэсэн ч бага цалинтай, амжиргаанд хүрэлцэх хэмжээний биш байдаг нь үнэн. Зээлнээс зээлний хооронд амьдарч, засаг төрийн бодлогод дарагдсан манай нийгмийн залуучууд харийн оронд хүний дарамт шахалт, хараан дор хий гэснийг нь хийж, бие сэтгэлийг байдлаараа хохирон үлдэж байгаа үзэгдэл маш их гарч байна.

Үүний нэг жишээ бол саяхан буюу 2015 оны 12 сард Эрээнд очиж зөөгчийн ажил хийгээд долоохон хоногийн дотор нэг сая гаруй төгрөгтэй ирнэ гэсэн үгэнд хууртсан Монгол охид юм. Эрээнд очоод хүчээр биеэ үнэлж, нутаг руугаа гэр бүл рүүгээ холбогдох аргагүй, бэлгийн замын болон бусад өвчнийг тээгч болж арай гэж эх орондоо ирсэн бүсгүйчүүдийн талаархи мэдээлэл гарсан. Нийгмийн энэ мэт бусармаг үйлдлийн золиос болсон охидыг зуучилсан Ц.Халиун гэх эмэгтэйд шүүхээс 2 жилийн ял төлөвлөсөн ч нэг жилийн тэнсэн харгалзах ял өгсөн байна. Энэ мэтээр ирээдүй хойч үеэ өөрийн гараар худалдаалж буй гэмтнүүдэд хууль нь зөөлхөн хандаад байх тусам хийх булай үйлдэл нь гаарна. Дэлгүүрийн лангуун дээр байгаа бараа шиг сонгогдох охидынхоо ирээдүйг хайрлая.

JUNE 

PAPARATSI.MN