“Хип хоп” чинь бас ах захтай

Намар цаг ирж уран бүтээлчдийн тоглолтын давалгаа энд тэндгүй цуурайтсаар байна. Монголын хип хопчдын түүх үе үеийн дарааллаараа өнөөг хүртэл үргэлжилсээр байгаагийн нэг жишээ бас энд байна аа. “ICE TOP” хамтлаг бол яахын аргагүй ууган үглээчдийн төлөөлөл гэдэгтэй хэн ч маргахгүй. Тэд ч бас тоглолтын хураа буулган хамтлаг байгуулагдсаны 20 жилийн ойн баяраа тохиолдуулан “Баярлалаа” тоглолтоо бахархалтайгаар фэнүүддээ хүргэсэн.

Урлагийнхан чинь бас ах захтай байдаг хойно  удаах үеийн төлөөлөл болох “дүү” нар нь ирж тоглолтод нь ая дуугаа өргөж байгаа харагдана лээ. Гэр бүлээ дагуулан тоглолтоо ч үзэнгээ дуугаа ч дуулж, хэсэг хугацаанд уран бүтээлээсээ завсарлаад ар гэрийн амьдралаа зохиогоод завгүй яваа “FLASH” хамтлагийн залуус манай дуранд өртлөө. Ах нарынхаа тоглолтын тайзан дээр ая дуугаа өргөсөн тэднийг фэнүүд нь ч бас санасан нь дамжиггүй ээ.  

JUNE

ЭХ СУРВАЛЖ; PAPARATSI.MN