Ангираа багш дахиад ЭМЭЭ болно

“Исгэлэн жимс”-нүүдийн “загалмайлсан” эх Б.Ангирмаа “Укагийн хүүд нь би үнэхээр их хайртай. Одоо би чинь Ангираа эмээ болсон шүү дээ. Би ч өөрөө ингэж дуудуулах дуртай. Хүүхэд намайг эмээ гэж дуудлаа гээд би өөр хүн болчихгүй шүү дээ” гэж ярьсан. Энэ нь түүнийг “төмөр хатагтай” ч зөөлөрч болдогийн харуулаад авсан юм.

Тэгвэл энэ удаад Ангираа багш өөр нэг зээтэй болох нь ээ. Учир нь Намуунаа хоёр сартай жирэмсэн гэнэ. Хамтлагтаа Укагаас дутахааргүй гол имижийг бүрдүүлдэг Намуунаа тэр бүр эрчүүдтэй холбогдоод байдаггүй. Нэг үе н.Билгүүн гэдэг залуутай үерхдэг хэмээн хэвлэлээр шуугиулсан ч төдөлгүй залуу жүжигчин н.Гантулгатай романслах болсон ч салсан гэнэ лээ.

Эрчүүдийн тухай “жинхэнэ эрчүүд л таалагддаг. Эхнэртэй мөртлөө өөр бүсгүйчүүд рүү сээтэгнээд, элдэв янзын ааш аяг гаргаад байгаа эрчүүд ер таалагддаггүй. Эхнэртэй эрчүүд бол зүгээр л жишээ шүү дээ. Тиймэрхүү залуустай харьцаад байх шаардлагагүй” гэж боддог гоё бор бүсгүй энэ удаад ханиа олжээ. 

PHOTONEWS.MN