Д.Сумъяабазар хуульд өөрчлөлт оруулах судалгаанд 6.2 сая төгрөг зарцуулжээ

Хүнд хямрал болох төлөвтэй байгаа тул найман төрлийн татвар нэмж, цалин, тэтгэвэр, тэтгэмжийг хасна, танана, бүсээ чангална гэж ард иргэдэд уриалаад буй МАН-ын гишүүдэд хэмнэлтийг өөрөөсөө эхлүүлэх саналыг хэвлэлийнхэн хүргүүлж буй.

Учир нь улсын төсөвт төвлөрсөн мөнгөнөөс УИХ-ын гишүүд, сайд дарга нарын урсгал зардал гэх хэмнэж болохуйц мөнгийг баруун солгойгүй цацаж байгаа баримтууд ар араасаа гарсаар байгаа юм.

Тухайлбал, УИХ-ын гишүүн Д.Сумъяабазар хуульд өөрчлөлт оруулах судалгаанд 6.2 сая төгрөг зарцуулсан байх юм. Тодруулбал, 2016 оны наймдугаар сарын 23-ны өдөр 1359 дугаартай албан бичигт “Улсын их хурлын гишүүнээс хууль шийдвэрийн төсөл боловсруулах зорилгоор Тунгаамал төрийн бус байгууллагатай хамтран ажиллах гэрээг байгуулан ажиллаж байгаа тул холбогдох зардлаас 6.200.000 /зургаан сая хоёр зуун мянга/ төгрөгийг тус байгууллагын Төрийн банк дахь ... тоот дансанд шилжүүлнэ үү” гэснийг 2016 оны наймдугаар сарын 25-ны өдөр шилжүүлжээ.

Б.ГЭРЭЛ