Монголбанкны дэд ерөнхийлөгчөөр Б.Лхагвасүрэнг томиллоо

Өчигдөр буюу УИХ-ын чуулганы есдүгээр сарын 1-ний өдрийн нэгдсэн хуралдаанаарМонголбанкны Дэд Ерөнхийлөгч Э.Батшугарыг үүрэгт ажлаас нь чөлөөлж, Б.Лхагвасүрэнг томилов.  

Э.Батшугарын өөрийн хүсэлтээр албан тушаалаасаа чөлөөлөгдөх хүсэлтийг Төв банк /Монголбанк/-ны тухай хуулийн 26 дугаар зүйлийн 6.3 дахь заалтыг үндэслэн шийдвэрлэснээр Монголбанкны Дэд Ерөнхийлөгчөөр томилогдсон Б.Лхагвасүрэн үүрэгт ажлаа хүлээн авлаа. 

Монголбанкны дэд ерөнхийлөгчөөр Б.Лхагвасүрэнг томилуулах саналыг өргөн мэдүүлэхдээ түүний эдийн засаг, банк, санхүү, удирдлагын мэдлэг, мэргэшлийн ур чадвар, мэргэжлийн ёс зүй, ажлын дадлага туршлагыг харгалзсан үзсэн хэмээн Монголбанкны ерөнхийлөгч Н.Баяртсайхан танилцуулгадаа онцолсон байв.

Б.Лхагвасүрэн нь 1965 онд Улаанбаатар хотод төрсөн. 1985-1989 онд МУИС-ийг Төлөвлөгч-эдийн засагч мэргэжлээр төгсөж, улмаар 1998-1999 онд АНУ-ын Колумбийн их сургуульд олон улсын харилцааны эдийн засгийн мастерын зэрэг хамгаалжээ.

Боловсрол, мэргэжил:

• МУИС-ийн ЭЗС- Эдийн засагч /1989/
• АНУ-ын Колумбын Их Сургууль- Олон улсын эдийн засгийн харилцааны магистр  /1999/ 

Ажлын туршлага:

• 1989-1994 он: Шинжлэх Ухааны Эдийн Засгийн Хүрээлэнгийн эрдэм шинжилгээний ажилтан
• 1994-1997 он: Монголбанкны Мөнгөний бодлогын газрын ахлах эдийн засагч
• 1997-1998 он: Монголбанкны Хяналт шалгалтын газрын захирал
• 1999-2000 он: Дэлхийн банкны Вашингтон дахь Зүүн хойд Ази, Номхон далайн орнуудын санхүүгийн секторт зөвлөх
• 2000-2001 он: Монголбанкны ерөнхийлөгчийн зөвлөх
• 2002 он: Санхүүгийн Зохицуулах Хорооны гишүүн
• 2001-2009 он: Монголбанкны Бүртгэл, тооцоо мэдээлэл технологийн газрын захирал
• 2009-2013 он: Монголбанкны Хяналт шалгалтын газрын захирал
• 2013 он: Хадгаламжийн даатгалын корпорацийн гүйцэтгэх захирал, Монголын банкны холбооны дэд ерөнхийлөгч

Эх сурвалж: News.MN