Зимбабве улсын ерөнхийлөгч олимпоос медаль авч чадаагүй тамирчдаа шоронд хорьжээ

“Рио-2016” олимпийн наадамд Зимбабве улсаас долоон спортын төрөлд 31 тамирчин оролцсон ч медаль авч чадаагүй.

Тэгвэл тус улсын ерөнхийлөгч Роберт Мугабе олимпоос ганзага хоосон ирсэн тамирчдаа баривчлах тушаал гаргажээ. Улмаар тус улсын Цагдаагийн газрын комиссар Августин Чичури тамирчдаа эх орондоо ирэх үеэр буюу энэ сарын 23-нд шоронд хорьсон байна.

Роберт Мугабе “Тэд жуулчилж, зугаалах гэж Риогийн олимпод очоогүй. Өөрсдийгөө тамирчин хэмээн нэрлэсэн энэ хархнуудааг амжилт гаргаасай гээд улсын мөнгө их хэмжээгээр зарцуулсан. Үүний оронд сургууль цэцэрлэг барьж болох байсан. Манай хөрш Бостван улсын тамирчид медалийн оосроос атгаад алдан 3-4 байрт шалгарч байна. Гэтэл манай улсын ганцхан тамирчин VIII байрт шалгарлаа.

Бидэнд олимпод оролцох бус төрийн дууллаа эгшиглүүлж, далбаагаа мандуулах л тамирчин хэрэгтэй байсан. Гэтэл тэд чадсангүй. Би тэдийг улсаас зээл аван, Бразилд жуулчилсан гэж үзээд улсын мөнгө заавал төлүүлнэ. Хэчнээн ч жил зарцуулсан хамаагүй. Би тэднээс улсын мөнгийг заавал авна. Өөдгүй хархнууд” гэжээ.