Д.Сумъяад Хуульзүйн яам гурван өрөө байр бэлэглэлээ

“Рио-2016” олимпийн наадмын медалийн салхийг  “Хилчин” спорт хорооны тамирчин, ахмад Доржсүрэнгийн Сумъяа хагалж монгол түмнээ төдийгүй эх орныхоо эмжээр торгон хилийг сахин суугаа мянга, мянган хилчдээ баярлуулсан билээ.

 Монголын багийн хоёр дахь олимпийн медалийг  мөн л  “Хилчин” спорт хороо, Хилийн 0168 дугаар ангийн тамирчин ОУХМ, Ази тивийн болон Азийн наадмын аварга, дэслэгч Доржнямбуугийн Отгондалай эх орондоо авчирсан. 

Тэгвэл, ХХЕГ-ын хамт олон  ахмад Д.Сумъяа, дэслэгч Д.Отгондалай нарыг өнөө өглөө  хүлээж авч, хүндэтгэл үзүүллээ. 

Энэ үеэр Олимпоос мөнгөн медаль хүртсэн Доржсүрэнгийн Сумъяад Хуульзүйн яам  гурван өрөө байр бэлэглэлээ.

Эх сурвалж: Breakingnews.mn