Сундуйн Батболдын Сувинер Батболд болтлоо тансагласан өрөөний тохижилт олны дургүйцлыг төрүүлж байна

Цагаа олоогүй их тансаглал гэдэг энэ байна даа. Жирийн татвар төлөгч би татвар, даатгал гээд 300 орчим мянган төгрөг сар бүр төлдөг. Үүгээрээ хэн нэгэн даргын бөгсөө тавих сандлыг зөөллөмөөргүй байна. Харин 15 хүүхдэд сар бүр 20 мянга болж очиж байвал харамсахгүй ээ. Энэ тохижилтын мөнгө хаанаас гарсныг мэдэх санаатай ulaanbaatar.mn -ийн шилэн дансны хэсэг рүү орлоо. Засаг даргын тамгын газар гэсэн дэд хэсэг ажиллахгүй байна. Батболд даргаа, үүний хаанаас гаргаснаа тайлбарлах хэрэгтэй байх шүү. 

Сар бүр алгаа тосон хүлээдэг хүүхдийн 20 мянган төгрөгөө өдөр бүр харуулдаж байгаа хичнээн үрс байгаа бол доо, өнөөдөр. Зарим нь хичээлийн бэлтгэлээ ч базааж амжаагүй л байгаа. Сундуйн Батболд дарга маань Сувинер Батболд болтлоо л ажлынхаа бэлтгэлийг базааж дээ. Нийт хэдэн төгрөг энэ засварт нь орсон бол? Нийт үнийг нь 20,000 төгрөгт хувааж хүүхдүүдэд олгосон бол хэдэн хүүхэд хичээлийн бэлтгэлээ базаах байсан бол? 

Улс орны эдийн засаг муу байна гээд л энэ хэд маань хэрэгжиж байсан нэлээд хэдэн хөтөлбөрийг зогсоосон санагдах юм. Бодит байдал дээр үгүй л мэт аашилж, тансаглалын цувааг үргэлжлүүлэх юм даа хэмээн нэгэн иргэн өөрийн цахим хуудаснаа үзэл бодлоо хуваалцжээ. Нээрээ л цагаа олоогүй тансаглал гэж үүнийг хэлэх байх... Иргэдийн дунд бухимал үүсгээд буй түүний энэ үйлдэл олон хүнд таалагдсангүй.

В.Баяраа