Сайхан гэргийтэй Ч.Сайханбилэг папарацичидын дуранд...

23-хан насандаа Засгийн газрын гишүүн, Гэ­гээр­лийн сайдаар ажиллаж  байсан түүнийг  шинэ монгол­чуу­дын хүчирхэг төлөөлөгч гэж үнэлдэг эрхмүүп цөөнгүй. Насан залуу­гаа­­саа Монгол төрийн хүнд буул­ганд зүтгэж  явсан тэр­бээр Мон­голын ардчиллын тулгуур баганын  нэг яах аргагүй мөн гэх нь ч бий. Түүний гэргий топ модель О.Байгаль ч нэгэн цагт Мон­голын загварын ер­төн­цийг шагшуулж явсан үзэс­­гэлэнт бүсгүй гэдгийг  ун­шиг­чид маань андахгүй биз ээ.

2000 онд Ардчилсан нам ялагдаж УИХ-д ганцхан суу­дал авч ардчиллынхан бар­гаа­раа барууныг зорьж тар­хиа цэнэглэхээр одоход Ч.Сай­ханбилэг ч эхнэр хүүх­дээ аван АНУ руу явсан би­лээ.  Харьд очсон залуу хү­мүүс хэрхэн амьдардгийн нэгэн адилаар л ажиллаж сурахыг хослуулж байсан гэдэг. Харин 2004 онд буцаж ирээд Эв нэгдлийн Засгийн газрын  Мэдээлэл, харилцаа холбоо технологийн газар хэмээх шинэ айлын өрхийг татаж монголчуудыг цахим ертөнцөд хөтлөн оруулсан хүн бол Ч.Сайханбилэг. Түү­нийг монголчууд багаас нь мэднэ. Хэтэрхий залуу насан­даа сайдын албыг нэр төртэй хашсан түүнийг шинэ үе нь талархан хүлээж авдаг байлаа. Харин өнгөрсөн сонгуулиар өвдөг шороодсон тэрбээр ирэх дөрвөн жил ямар төлөвлөгөөтэй байгааг бурхан л мэдэж байгаа байх даа.

Э.Нашка