Б.Булганаас гадна НЭГ БУС хүнийг шалгаж эхэлжээ

Улсын ерөнхий прокурор /УЕПГ/-ын газраас эхний хагас жилд хийж гүйцэтгэсэн ажлын тайлангаа өнөөдөр сэтгүүлчдэд танилцууллаа. Энэ үеэр  улс төрийн өндөр албан тушаалтнуудтай холбоотой зарим хэргийн талаар тайлбар хийлээ.

Тухайлбал, Улс төрийн нэрт зүтгэлтэн С.Зориг агсныг хөнөөсөн хэрэгт "түүний эхнэр Б.Булганаас гадна  нэг бус хүнийг сэжигтнээр татаж, саатуулан байцааж эхэлсэн" талаар мэдээллээ. Гэхдээ тус хэрэг нь нууцын зэрэгтэй учраас  илүү дэлгэрэнгүй  мэдээлэл өгөхөөс татгалзсан юм. 

 Б.Булганы тухайд  цагдан хорьж шалгаж эхэлснээс хойш есөн сар гаруйн хугацаа өнгөрч байгаа бөгөөд хэргийн мөрдөн байцаалтын ажиллагаа үргэлжилсэн хэвээр байгаа аж.

Эх сурвалж: Breakingnews.mn