Нэг ам.доллар 2225 төгрөгтэй тэнцэж байна

Эдийн засгийн түүхэн дэх дээд хэмжээнд хүртэл өсөлт үзүүлээд байгаа ам.долларын ханш ойрын хугацаанд буурах хандлагагүй байгааг салбарынхан мэдээллэж байна. Өнөөдрийн байдлаар “Найман шарга” валют арилжааны төвд нэг ам.долларыг 2210 төгрөгөөр худалдан авч, 2225 төгрөгөөр арилжиж байна. Одоогоос хоёр сарын өмнө буюу зургадугаар сарын дундуур нэг ам.доллар 1965 төгрөгтэй тэнцэж байсан бол өнөөдөр 2210 төгрөг буюу даруй 245 төгрөгөөр өссөн үзүүлэлттэй байна. Ийнхүү ам.долларын ханшийн өсөлттэй зэрэгцээд валютын зах зээлд Төвбанкнаас оролцож эхэлсэн хэдий ч үр дүн хараахан гараагүй байна. Түүнчлэн сүүлийн долоо хоногт ам.долларын ханш өмнөхөөс огцом өссөн явдлыг эдийн засагчид, төвбанкны удирдлагуудын гаргасан улсын валютын нөөцийн мэдээлэлтэй холбоотой хэмээн тайлбарлаж байна.