Туулын бургасанд буудаж танхайрсан “Доён” хочит У.Болдыг баривчилжээ

Өнгөрсөн зургадугаар сарын 17-ны өдөр нийслэлийн Хан-Уул дүүргийн нутаг дэвсгэр, Туул голын эрэг орчимд 10 гаруй удаа буун дуу гарч, иргэдийг цочроосон билээ. Тодруулбал, тус өдрийн оройн 23:00 цагийн орчимд Их тэнгэрийн амнаас зүүн тийш гурван км орчимд буун дуу 10 гаруй удаа гарчээ.  Эх сурвалжийн мэдээллэснээр, гэмт этгээд “Макаров” маркийн буу гарган буудаж танхайрсан байдаг.

Уг хэргийг Эрүүгийн цагдаагийн газрын Зохион байгуулалттай гэмт хэрэгтэй тэмцэх хэлтэст шалгаж эхэлсэн бөгөөд сэжигтэн этгээд оргон зайлсан тул эрэн сурвалжилж байгаа талаар бид өмнө нь мэдээллэсэн. Цагдаагийнхан гэмт этгээдийг баривчилсан байна. Буу гаргаж танхайрсан этгээд нь “Доён” хочит У.Болд гэгч бөгөөд өмнө нь “Центрпоинт”-ын хэрэг, Гүнтийн буудалцаан, баар, цэнгээний газар олон нийтийг айлган сүрдүүлж танхайрсан гэх мэт олон хэрэгт шалгагдаж явсан нэгэн юм.