Риод Оросын дэд консулд халдахыг завдсан этгээдийг буудан хөнөөжээ

Бразилын цагдаагийн газраас мэдээллэснээр, Рио-де-Жанейро хотноо, олимпийн цэнгэлдэх хүрээлэнгээс холгүйхэн зэвсэгтэй этгээдүүд Оросын дэд консулд халдахыг завдсан байна. Мөн гэмт этгээдүүдийн нэг амь үрэгдсэн талаар мэдээллэснийг BBC уламжлав.

“The Daily Mail”-д мэдээллэснээр, Бразилын Рио-Де-Жанейро хот дахь Оросын дэд консулд халдахыг завдсан зэвсэгт этгээдийг өөрийнх нь буугаар буудан хөнөөжээ. Оросын консулын газарт дэд консулын алба хашдаг бразил хуульч Маркос Сезар Ферес Брагаг дээрэмдэх гэж оролдсон этгээдийг Брага өөрөө барьж, зэвсгийг нь булаан, буудан амийг нь хөнөөсөн аж.

Зэвсэгт этгээд түүн рүү Олимпийн цэнгэлдэх хүрээлэн болон тамирчдын байрлаж буй хотхоны ойролцоо Олимпийн бамбарын цуваа явж өнгөрөхийг хүлээн зам дээр зогсож байх үед нь халдсан байна.