С.Эрдэнэ: УИХ-ын гишүүдийн тойрогтоо мөнгө тараасан эсэхийг шалгуулна

Ардчилсан намын Гүйцэтгэх зөвлөлийн дэргэдэх Онцгой комисс өнөөдөр мэдээлэл хийлээ. Тус Онцгой комисс нь 2016 оны УИХ болон аймаг, нийслэлийн ИТХ-ын сонгуулийн үеэр гарсан хууль бус үйлдлүүдийг хянан шалгах, мэдээллийг нэгтгэх, олон нийтэд мэдээлэл өгөх чиг үүрэгтэйгээр өнгөрсөн сарын 20-ны өдөр АН-ын Гүйцэтгэх зөвлөлийн хурлын шийдвэрийн дагуу байгуулагдсан билээ. 

АН-ын Гүйцэтгэх зөвлөлийн дэргэдэх  Онцгой комиссын мэдээллийг тус комиссын дэд дарга, УИХ дахь АН-ын бүлгийн дарга С.Эрдэнэ, эрхзүйч А.Гантамир нарын хүмүүс хийсэн юм.

Үүнд,

1. МАН-ын санхүүжилт босгох босгох 60 тэрбум төгрөгтэй холбогдох бичлэг

2. СЕХ-ны дарга, удирдлагууд сонгуулийн тухай хуулиа зөрчиж, албан тушаалаа урвуулан ашигласан

3. УИХ-ын 14-р тойрогт МАН-аас нэр дэвшигч Х.Болорчулуун мөнгө тараасан гэххууль бус үйлдлийг шалгуулах

4. УИХ-ын 33-р тойрогт МАН-аас нэр дэвшигч Ч.Хүрэлбаатарын мөнгө тараасан гэх хууль бус үйлдлийг шалгуулах. Энхэхүү үйл ажиллагаанаас үүдэн хүүхдийн амь нас эрсэдсэн асуудал

5. УИХ-ын 46-р тойрогт МАН-аас нэр дэвшигч О.Содбилэг мөнгө тараасан гэх хууль бус үйлдлийг шалгуулах

6. УИХ-ын 48-р тойрогт МАН-аас нэр дэвшигч Д.Дамба-очир мөнгө тараасан нь шүүхээр тогтоогдсон гэх хууль бус үйлдлийг шалгуулах

7. УИХ-ын 49-р тойрогт МАН-аас нэр дэвшигч Д.Оюунхорол мөнгө тараасан гэх хууль бус үйлдлийг шалгуулах

8. УИХ-ын 70-р тойрогт МАН-аас нэр дэвшигч Д.Лүнджээжанцан сонгуулийн хууль зөрчсөн гэх үйлдлийгш шалгуулах

9. ҮХЦ-д сонгогчдын шилжилт хөдлөгөөн зохион байгуулж, сонгуулийн дүнд зориудаар нөлөөлсөн МАН-ын  долоон нэр дэвшигчийн асуудлыг шалгуулах

10.Ерөнхий сайд Ж.Эрдэнэбатын аймгийн засаг дарга нарын хууль бус томилгоо хийсэн талаар холбогдох хууль хяналтын байгууллагад хандаж буйгаа мэдэгдсэн юм.

Мэдээллийн дараа сэтгүүлчдэд АН-ын Гүйцэтгэх зөвлөлийн дэргэдэх Онцгой комиссын дарга С.Эрдэнэ дараахь хариултыг өглөө.-АН-ын ҮЗХ-ны хуралдаан хэзээ болох бэ? -Ардчилсан нам ҮЗХ-ны хуралдаанаа энэ сарын 25-ны өдөр хийхээр товоо гаргасан. Одоогоор АН түр үүрэг гүйцэтгэгч даргатай байгаа.

Арванхоёрдугаар сарын эхээр болох намын Их хурлаар даргаа албан ёсоор сонгоно.-Сонгуулийн дүнгээр нийт сонгогчдын хэдэн хувь нь АН-д саналаа өгсөн байна бэ? -Сонгуулийн дүн дээр бид нэгдсэн байдлаар судалгаа хийсэн. Нийт сонгогчдын 70 гаруй хувь нь сонгуульд саналаа өгсөн байгаа. Үүнийг зуун хувь гэж үзэх юм бол МАН-д 44 хувь, АН-д 36 хувь нь тус тус саналаа өгсөн байна. Үлдсэн хэсэг нь гуравдагч хүчинд саналаа өгсөн гэсэн судалгаа байна. Тэгэхээр МАН-ын нийт саналын зөрөө АН-аас 8 хувь орчмоор л их байна. Аль нам ч нийт сонгогчдын 50 хувиас дээш санал аваагүй. Хэдий УИХ дээр МАН 65 суудал авсан ч сонгуулийн дүн ийм өөр байгаа.

В.Баяраа