ОБЕГ-ын удирдлагуудыг АТГ-аас саатуулжээ

Өнгөрөгч 7-р сарын 29-ний өдөр АТГ-ын Мөрдөн шалгах хэлтсийн албан хаагчид Онцгой байдлын Ерөнхий газрын удирдах албан тушаалтнуудын өрөөнд нэгжлэг хийж, зарим удирдлагыг нь цагдан хорьсон гэх мэдээлэл тархаад байгаа. Тодруулбал, ОБЕГ-ын Санхүү, хангалт үйлчилгээний газрын дарга, онцгой байдлын хурандаа Р.Дадам болон тус газрын Хангалтын хэлтсийн даргаар ажиллаж байсан Л.Билэгдэмбэрэлийг нарыг шүүгчийн захирамжаар цагдан хорьсон гэнэ. 

Тэднийг онцгой албаны хэрэгцээнд тусгай тоноглосон Газель маркийн машин авах тендер зарласан ч төсвийн хөрөнгийг зориулалтын бусаар зарцуулж, ямар ч тоноглолгүй тээврийн хэрэгсэл өндөр үнээр авсан хэргийг эрх мэдэл, албан тушаалаа урвуулан ашиглаж, завшсан гэх үндэслэлээр шалгаж эхэлсэн байна.

Эх сурвалж: Breakingnews.mn