Японд халдлага гарч, 19 хүн амь үрэгдэв

Япон улсын Сагамихара хотын сэтгэцийн эмгэгтэй өвчтөнүүдийн байрны ойролцоо хутгатай этгээд халдлага үйлдэж, 19 хүн амь үрэгджээ.

Халдлага мягмар гаригийн /2016.07.26/ шөнө гарсан бөгөөд 26 хүн шархадсанаас 20-ийнх нь биеийн байдал хүнд байгаа аж.

A map showing Sagamihara, Japan

Цагдаа нар сэжигтнийг баривчилсан бөгөөд 26 настай, Токиогийн баруун хойд хэсэгт 40 км-ийн зайд орших Цуки Ямаюури цэцэрлэгт хүрээлэнд ажилладаг байсан аж.

Тэрбээр цагдаа нарт байцаалт өгөхдөө сэтгэцийн эмгэгтэй хүмүүсийг хорлохыг хүссэн хэмээсэн аж.

Японд галт зэвсэг эзэмшихийг хуулиар нь хориглосон байдаг учраас хүмүүсийг олноор нь хөнөөсөн хэрэг бараг гардаггүй.

Хамгийн сүүлд 2008 онд Токио хотын Акихабара худалдааны дүүрэгт ачааны машинаар долоон хүн дайрсан хэрэг гарч байсан аж. Түүнчлэн 2001 онд Осака хотын бага сургуульд сэтгэцийн өвчтэй хүмүүс найман хүүхдийг хутгалж, амийг нь бүрэлгэсэн хэрэг гарч байсан аж.

Эх сурвалж: BBC