А.Ганчимэг өнөөдөр 26 нас хүрч байна

Хэцүү анги киноны Сүнжид багшийн охины дүрээр олны танил болсон залуу жүжигчин А.Ганчимэгийн төрсөн өдөр өнөөдөр тохиож байна.Тэрээр өндөр босготой гэгддэг УДЭТ-т сургуулиа төгсөнгүүтээ орж ажиллаж байсныг санаж буй биз. Харин тэрбээр өдгөө Хувьсал продакшны жүжигчнээр ажилладаг. 1990 оны 7 сарын 26-нд мэндэлсэн А.Ганаа онц сурдаг байсан болохоор ес, аравдугаар ангиа нэг жил сурч төгсчээ.

Түүний жүжигчин болох эхлэл нь Хүүхдийн ордны драмын дугуйланд зургаан жил суралцсан нь СУИС-д ороход нөлөөлсөн аж."Рашаантын 18", "Хуваарьгүй нислэг", "Амьдралын амт" сүүлд Зэрлэг цэцэгсийн хүлэмж, Зүрхээр наадагч, Атганд үлдсэн эрдэнэ  зэрэг олон кинонд тоглосон бөгөөд түүхэн дүр бүтээхийг хүсдэг гэнэ шүү. Үзэсгэлэнтэй, авъяаслаг, залуу жүжигчин бүсгүйдээ төрсөн өдрийн мэнд хүргэе.

В.Баяраа