Д.Тэрбишдагва гишүүн эхнэртэйгээ өнгө уусгасан дээлээр ижилсэв

Хоёр нам солин урвагч шарвагч нэр зүүснээс болоод улстөрөөс ангид амьдраач ээ хэмээн шүүмжлэлд өртсөн Д.Тэрбишдагва зангарагаараа Сонгинохайрханчуудынхаа итгэлийг хүлээн төрд түмнээ төлөөлөхөөр болсон. Харин дөрвөн их ой давхацсан үндэсний их баяр наадмаар тэрбээр гэргийн хамт өнгө уусгасан улаан, ягаан дээлээр гоён төв цэнгэлдэхийн төв асарт тухалсан юм.  

Сонгуулийн дараа сандал ширээний хуваарилалт явагддаг нь нэгэнт нууц биш учир МАХН-аас МАН-даа эргэн ирсэн Д.Тэрбишдагва, Ч.Улаан нарт ямар бэлэг бэлдсэн нь тун удахгүй ил болох биз ээ. Эсрэгээр чин сэтгэлээр МАН-даа эргэн ирсэн бол тэдэнд алга ташин баяр хүргэх нь зүйн хэрэг биз. Хамтдаа ард түмнээ түм буман асуудлаас гаргахад тулхтай улстөрчдийн бодлого чухал байх нь гарцаагүй. 

Э.Нашка