Үзмэн ягаан өнгөөр занималдсан С.Ламбаагийн гэр бүл

Сонгууль болохоос яг сарын өмнөхөн эзэнгүй орхигдсон Эрүүл мэнд, спортын салбарын сайдаар томилогдсон С.Ламбаа үндэсний их баяр наадмаар гэр бүлийнхнийхээ хамтаар үзмэн ягаан өнгийн дээлээр гоён төв цэнгэлдэхэд саатсан юм. Санаж буй бол тэрбээр өнгөрсөн тавдугаар сарын 15-ны орой  УИХ-ын чуулганы нэгдсэн хуралдаанаар Эрүүл мэнд, спортын сайдаар С.Ламбааг томилуулах тухай Засгийн газраас ирүүлсэн саналыг хэлэлцэн гишүүдийн 94.7 хувийн саналаар түүнийг дэмжин баталсан билээ.

Түүнийг Эрүүл мэнд спортын сайдаар томилсноор найман сар орчмын хугацаанд удирдлагагүй байсан эрүүл мэндийн салбар сайдтай болсон билээ. Харин зургадугаар сарын 29-ны өдөр болсон УИХ-ын сонгуулиар МАН үнэмлэхүй ялалт байгуулснаар түүний сайд байх хугацаа дуусгавар болоход хэдхэн хоног үлдсэн гэхэд болно. 

Э.Нашка