Ц.Нямдорж “үнэгний ав” ажиллагааг эхлүүлэхгүй

Сонгууль болдгоороо болж ард түмэн өөрсдийнхөө сонголтыг хийлээ. МАН үнэмлэхүй ялалт байгуулан Засгийн газраа дангаараа бүрдүүлэх нь тодорхой болсон. Харин наадмын дараа намар гэдэг шиг сонгуулийн дараа суудлын таавар өрнөдөг нь бичигдээгүй хууль.

Тэгвэл эрх барих болсон МАН-ынхан дунд сайдуудын нэрс яригдаж эхэлсэн билээ. Бүр тодруулбал Хууль зүйн сайдаар Ц.Нямдоржийг томилоод “Үнэгний ав” ажиллагааг эхлүүлэх юмсан” хэмээн сагсчин Шараваа өөрийн цахим хуудаснаа постолж байсныг санаж буй биз. Тэгвэл энэ санаархал талаар болж Ц.Нямдорж УИХ-ын дэд даргын албан тушаалд томилогдсон билээ. Харин тэрбээр баяр наадмын өдрөөр гүн ногоон өнгийн дээлээр гоён ард түмэнтэйгээ элгэмсээр дотночлон мэндчилсэн юм. 

Э.Нашка