Жүжигчин Мөнхсоёл шинэ хайраа баталгаажуулав

Уран бүтээлээрээ танигдаж амжихаасаа өмнө УДЭТ-ын жүжигчин Б.Тамирын нэрээр хэвлэлийн “од” болсон тэрбээр анхны амьдралаасаа нэг хүүтэй хоцорсон гэдэг.

Урлагийн сургуулиа төгсөөд удаагүй байхдаа жүжигчин Б.Тамиртай учирч, экс эхнэрт нь элдвээр хочлуулж явсан ч түүний хайр сэтгэл бүтээгүй. Хоёр дахь сонголт нь алдаа байсныг хожуухан ухаарсан жүжигчин Н.Мөнхсоёл уран бүтээлээс өөр юунд ч анхаарлаа хандуулахгүй гэж эрс шийдсэн гэдэг.

Гэхдээ залуухан, царайлаг бүсгүйд сэтгэлээ илчлэх залуусын тэмүүлэл түүнийг ганцаардалд тийм ч удаан байлгасангүй. Итгэлийг нь хүлээсэн жинхэнэ хайр сэтгэлээ жүжигчин Н.Мөнхсоёл нэлээдгүй нууцлан, харь оронд амарч зугаалахдаа энэ мэт сонирхолтой зургуудыг авахуулсан бололтой.

Далайн эрэг дээр дэвссэн сарнай цэцэгсийн дэлбээн дунд зогсч буй түүний хувьд, гурав дахь сонголтоо хийж шинэ хайр дурлалтай учирснаа ийнхүү “задлав”.