Тайз,дэлгэцийн урлагийг нуруундаа үүрч яваа жүжигчин

Монголын тайз,дэлгэцийн урлагийг нуруундаа үүрч яваа шилдэг жүжигчдийн нэг нь Ц.Төмөрбаатар гэдэгтэй санал зөрөх хүн ховор биз ээ.

Аавынхаа эгэлгүй их авъяасыг өвлөсөн тэрээр 25-хан насандаа төрийн соёрхол хүртсэн билээ. Тэрээр “Алив тэр Чингисээ дахиад хийгээдэх, “алаад өгье” л дөө “хэмээн бардамхан хэлж олныг шуугиулж байсан юм. Ц.Төмөрбаатар хамгийн сүүлд “Үндэсний баялаг” кинонд тоглосноосоо хойш хэд хэдэн киноны гол дүр бүтээх урилга гардсан дуулдана.

Одоохондоо тэрээр юу хийж байгаагаа дэлгэхгүй байгаа аж. Киночдын ярьж буйгаар, Төмрөө ах эхнэр,хүүхдүүдээ эрхлүүлэнхэн амралтын байдалтай нам гүмхэн байгаа дуулдана. 60 насны босгыг алхаж явахад нь мэндэлсэн хүү нь аавын амин эрдэнэ,түүнийгээ харангуут аав зүгээр л “нураад” уначихдэг гэнэ.

Ц.Төмөрбаатар христчин хүн. Тэрээр амралтын өдрүүдээр “Амьд үг” сүмийн цуглаанд ирж залбирдаг болсоор 10 гаруй жилийг ардаа орхижээ. Хувийн амьдралаа олонд дэлгээд байдаггүй жүжигчин маань 14 насаар дүү гэргийтэй,хоёр охин, нэг хүүтэй. СУИС-д багшилж байхдаа ханьтайгаа танилцсан гэнэ билээ.