Хамгийн боловсон жүжигчин гэнэ шүү

Хэдийгээр хошин урлагаар яваагүй ч ихэнхдээ л олны инээд болоод өхөөрдлийг төрүүлсэн дүрд тоглодог жүжигчин Э.Батхүү тун ч соёлтой нэгэн бололтой. Учир нь, тэрбээр хүн бүртэй эелдэг боловсон харьцахын зэрэгцээ “баярлалаа” болон “уучлаарай” гэдэг үгийг хэзээ ч мартдаггүй гэнэ.

Тэрбээр саяхан тамхинаас гарахаар нэгмөсөн сэтгэл шулуудаж, эхлэлийг нь тавьжээ. Тэгээд ч зогсохгүй “Тамхи тантай би 20 жил үерхлээ. Цаашдаа та бидний зам нийлэхгүй нь дээ, уучлаарай” хэмээн бичиж, цахим ертөнцийн найзуудаа хэсэг баясгаад авчээ.

Харин шооч найзууд нь “Манай Батхүү тамхинаас хүртэл уучлалт гуйна л гэнэ шүү” хэмээн эрхэм жүжигчинг буцааж шоглоод амжсан байна.