Жүжигчин Д.Оюунтуул одоо хүртэл хүзүүгээ нуусаар...

Цагтаа цалгиж,цалингаа буухаар наргиж гэдэг шиг хошин урлагийн тайзнаа жинхэнэ цахилж явсан гөрөөс Д.Оюунтуул хэмээх ховорын бүсгүй манай дуранд өртлөө.

Ховорын хэмээн онцолсоны учир: Одоогоос 1 жилийн өмнө буцлам халуун усаар биеийнхээ ихэнх хэсгийг хамтран зүтгэгчээрээ түлүүлж одоо хүртэл эмнэлэгээр яваа жүжигчин бүсгүйн инээд алдсан энэ төрхийг ойрын 1 жил үзэгч, фэнүүд нь хараагүй билээ. Түүний нүүр дүүрэн инээх энэ л инээд олон үзэгчидийн сэтгэл зүрхэнд ойр байдаг нь мэдээж.

Залуу эмэгтэй хүний хувьд хүзүү гоо сайхных нь хамгийн чухал хэсэг. Тэр тусмаа олны өмнө байдаг урлагийн хүний хувьд. Өдгөө хаана ч явсан хүзүүгээ урт ороолтоор халхалж, ороох Д.Оюунтуул халуун зунаар ч бас ороолт зүүж явах нь хэцүү биз ээ. Хэдийгээр Ц.Алдармааг буруутайг шүүх тогтоож, тэнсэн харгалзах ял оноож, Д.Оюунтуул уучилсан ч түлэнхий хэмээх аймшигт сорви насан туршид нь арилахгүй гэж бодохоор харамсалтай.