Амьдрал дээрээ архи уудаггүй ”архичин”

"Эмоци" хамтлагийн жүжигчин Баатархүү ихэвчлэн согтуу хүний дүригй бүтээдэг. Өнөөгийн нийгэмд айлын нэг архичин байгаа нь ч нууц биш.

Тийм ч учраас Баатархүүг согтуу хүний дүр бүтээхийг харсан хүмүүс ”Чи одоо өөрийгөө хар. Ямар байна” хэмээн харьцуулах эцэг эхчүүд ч цөөнгүй байдаг гэх юм билээ. Архичны дүрийг гайгүй сайн бүтээдэг нь жүжигчний маань бага настай нь холбоотой ажээ.

Түүний хүүхэд нас Бага тойруу дахь Банкны 84 гэдэг байранд өнгөрсөн бөгөөд хажууханд нь алдарт архины дөрөвдүгээр дэлгүүр байжээ. Дэлгүүр дээр цугласан олон архичин атамануудын зодоон нүдээн, дээрэм зэргийг багаасаа харж ,сонсож өссөн болохоор архичны дүр бүтээхэд их ойрхон байдаг гэсэн шүү. Түүнчлэн архичны дүрд чадварлаг тоглодог Баатархүү ах маань амьдрал дээрээ архи уудаггүй нэгэн гэнэ лээ.