“Хос дуучид” эргэн тайзнаа

Нэгэн үе нийтийн дууны ертөнцөд цахиур хагалан “Хос дуучид” хэмээгдэж явсан МУГЖ У.Далантай, С. Эрдэнэцэцэг нар 23 жилийн дараа дахин тайзнаа ижилсэн хамтын уран бүтээлээ хийхээр болжээ. Тэдний хувьд “...сайхныг тань харангуутаа дурласан юм сэтгэлийг нь танингуутаа итгэсэн юм...” хэмээх сайхан үгтэй дуунаас авахуулаад “ Сэтгэлийн булаг” , “Сэтгэлийн гэрэл”, “Хайрыг хүндэтгэж яваарай” , “ Цагаан дуганы гэгээ киноны дуу” зэрэг сонсогч түмний хайр хүндлэлийг хүлээсэн олон уран бүтээлтэй. Тиймээс ч анх хослон дуулж түмний хүртээл болгосон өөрсдийн дуунуудаа дахин сэргээн дуулж Шинэхэн цомгийн ажилд орсон байна. Мөн түүнчлэн шинэхэн, чанартай, жинхэнэ гавьяатуудаас л гарах гайхалтай уран бүтээлүүдээр ч үнэнч фэнүүддээ бэлэг барихаа амлаад байна.