Дэгжин байж гаршсан хатагтай

Он солигдох торгон мөчид салбар бүр оны шилдэг, онцлох хүмүүсээ тодруулж олон нийтэд танилцуулдаг. Хамрах цар хүрээ, нэр хүндээрээ шилдэгт тооцогддог “АЛТАН САРНАЙ-2014” оны тэргүүн наадам өнгөрөгч сарын 31-нд боллоо. НАМЗХ-ноос 14 дэх жилдээ зохион байгуулж буй тус наадам жил бүр өөрийн гэсэн өнгө төрх, өвөрмөц онцлогоороо ялгардаг. Харин 2014оны хувьд үндэсний үйлдвэрлэлээ дэмжиж, “БИД НЭГ МОНГОЛ” уриан дор зохион байгууллаа. Энэ жилийн хамгийн дэгжин хувцаслалтай бүсгүйгээр “Анжигана” группын ерөнхийлөгч Э.Туул яахын аргагүй тодорсон юм. Жил бүр түүний сонголт хамгийн шилдэг нь байдаг билээ.