Жастин Бибер хамгийн өндөр орлогтой

Америкийн Forbes сэтгүүл дуучин Жастин Биберийг 30 нас хүртлэх алдартнуудын дундаас  хамгийн өндөр орлоготой дуучин гэж нэрлэв. Сэтгүүлд  тэмдэглэснээр пиарын хувьд өнгөрч буй он түүнд хамгийн  “аймшгийн” байв. Хөршийнхөө байр луу өндөг шидсэндээ 80 мянган ам.доллараар торгуулж гэх мэт сөрөг дуулиан ихтэй өнгөрсөн юм.

Харин санхүүгийн хувьд тэр хүчирхэг хэвээрээ. Forbes сэтгүүлийн үнэлгээгээр энэ жилд Бибер 80 сая орчим ам.доллар олжээ. Дэлхийг тойрсон аялан тоглолтоо амжилттай хийсэн нь түүний орлогын ихэнхийг босгосон байна.

Чансааны хоёрт, One Direction хамтлагийн гишүүд 75 саяын орлоготойгоор оржээ. Гуравт нь Тейлор Свифт 64 сая, дөрөвт Бруно Марс 60 сая, тавд 48 саятай Рианна нар тус тус бичигджээ.

Эхний аравт орсон цорын ганц жүжигчин Женнифер Лоуренс 34 сая ам.долларын орлоготойгоор долоод жагсчээ.