”Ким Кени” хамгийн царайлаг гэр бүлээр тодров


Гэр бүлийн реалити шоугаар олны танил болж, шоу бизнесийн ертөнцөд од болсон Ким Кардашиан, нөхөр реппер Кейни Уэст нарыг хамгийн царайлаг гэр бүлээр тодруулжээ.

Тэд энэ оны тавдугаар сард Итали улсад хуримаа хийсэн ба Норт Уэст гэх охинтой юм.1

 

“TMZ” сайт 2010-2014 онд хуримаа хийсэн холливуудын уран бүтээлчдээс хамгийн царайлаг, өө сэвгүй гэр бүлийг санал асуулгаар тодруулжээ. Санал асуулгад оролцсон 32 мянган хүний 41.75 хувь нь Кейни Уэстийн гэр бүлийг царайлаг хэмээн саналаа өгчээ. Удаах байранд дуучин Жессика Сэмпсоны гэр бүл болон жүжигчин Брэд Питт, Анжелина Жолигийн гэр бүл багтжээ.

 

Өнгөрсөн жил дээрх санал асуулгыг загвар өмсөгч Жизель Бундхений гэр бүл тэргүүлж байжээ.

Т.АНУ