Ганц бие Леонардо бөөн бүсгүйчүүдтэй Халловен тэмдэглэв

Виктория Секретийн сахиусан тэнгэр, топ модель Тони Гарнаас салсан хэмээн шуугиулж байгаа жүжигчин Леонардо ди Каприо Халловений баярыг Австралийн тэрбумтан Жеймс Пакер болон хэсэг бүсгүйтэй хамт тэмдэглэж байгаад паппарацын дуранд өртжээ. Шимпанзегийн маск өмсч, нүүрээ халхалсан жүжигчин  Жеймс Пакертай орой хоол идсэний дараа тэндээ танилцсан бололтой үл таних бүсгүйчүүдийг машиндаа суулган авч оджээ. 
 

38 настай Леонардо, 22 настай модель Тони Гарн хоёр харилцаагаа эргэж нэг харахаар тохиролцож, өнгөрсөн сард салсан гэж хэвлэлүүд бичиж байгаа ч тэд үе үе уулзаж байгаа нь ч хэвлэлийн дуранд өртсөн байна. Тухайлбал, өнгөрсөн долоо хоногт тэд уулзаж, орой хоол иджээ. Хамгийн сүүлд "Revenant" хэмээх кинонд тоглож буй жүжигчин Леонардо ди Каприо өмнө нь Жизель Бундхен, Бар Рафаели, Эрин Хитертон гээд загварын ертөнцийн хамгийн сайхан бүсгүйчүүдтэй болзож, хамт амьдарч байсан ч хэнтэй нь ч гэрлээгүй билээ.