АЖ Г.ХАЙДАВ ЖАВХААЛАГ БУУРАЙ

Социализмын үед ёстой л дэлхийг донсолгож явсан түүгээр бахархахгүй гээд яах билээ. Эрээн бараан амьдралыг туулж, энхрий үрээ хүртэл өдий болтол хүлээн суугаа Монгол Улсын Ардын Жүжигчин Г.Хайдав гуай эх орныхоо өмнө хүлээсэн үүргээ давуулан биелүүлсэн ачтай буурай.

90 насыг зооглосон ч залуу уран бүтээлчидтэйгээ хамтран уран бүтээлээ туурвисаар байгаа түүнд саяхан шинэ байрны түлхүүр гардуулж магнайг нь тэнийлгэсэн. Олон улсын тайзнаа Монголын нэрийг мандуулж, олон сая үзэгчдийн алга ташилтаар "цэнэгжиж" яваа түүнийг манай папараци дуран зориглон онилж чадлаа.

Үргэлж өнгөлөг, үргэлж жавхаалаг, үргэлж хөг наргиантай, хөнгөн шингэн алхаагаар алхах түүнийг орчин үеийн жүжигчид пароди буюу элэглэн дууриах хандлагатай болсон.

Залуу уран бүтээлчдээ үгүйсгэх гэсэнгүй, харин та нар минь энэ л гавьяатай хүнийг "даруулгатайхан шиг" дууриаж үзээрэй дээ. Үеийн үед үлгэр дууриал авч, үргэлж бахархаж байх ёстой, алт шиг буурал хүн шүү дээ.