ЖЕННИФЕР АНИСТОН ”БАРАЙЛТАНД”

Анжелина, Брэд хоёрын хурим болж байх зуур Женнифер Анистон киноныхоо нээлтэнд оролцоод "барайлтаа" нууж явна. Нялх амрагтай болсон түүнээс сэтгүүлчид тэгэхээс тэгэх гэж гэр бүл, гэрлэлт, хүүхэдтэй холбоотой асуултуудыг асуусан байх юм. Та гэрлэсэн үү? Та хүүхэдтэй болох уу? гээд л. Тэрээр хариуд нь "Би хүүхэд төрүүлээгүй нь үнээн. Гэхдээ би олон уран бүтээл төрүүлсэн хүн. Гэрлэж ч амжаагүй явна. Ер нь эмэгтэй хүнд хүүхэд төрүүлэх гэх мэт хэт дарамт үзүүлэх нь шударга биш" гэж хэлжээ. Анистоны хувьд Бранжилинагийн хурим ёстой л урдуур нь "тас дайрсан" хурим болж. Түүний фенүүдийн дунд хийсэн санал асуулгаар "Женнифер Анистон хүүхэд төрүүлэх болов уу?" гэдэг асуултанд ердөө дөрөвхөн хувь нь "Тийм" гэж хариулсан бол 41 хувь нь "Юутай ч гэрлэх байх" харин 54 хувь нь "Энэ хоёр нэг их удахгүй" гэдэг хариултыг өгчээ. Гэсэн ч хосууд болзсон хэвээр байгаа бөгөөд киноныхоо банкетыг хамтдаа тэмдэглэжээ.