“ПЭЭДГЭР” ӨВ ЗАЛГАМЖЛАГЧ

УИХ-ын гишүүн Н.Номтойбаяр өнөө жилийн наадамд их дэгжин алхаж явна шүү. Монгол Улсын Төрийн Соёмбоор үндэсний хантаазаа гангалсан түүнийг бид дурандаа буулгалаа.

Тагнуулын Ерөнхий Газраас карьераа эхлүүлсэн эрхэм гишүүн Н.Номтойбаяр залуу улс төрчид дундаа бас л сенсацитай амьдардаг нэгэн.

Морь уяна, бизнес хийнэ, “улс төрдөнө” бас хүүхэмсэг байснаа ч нуудаггүй. Ёстой аавтайгаа нийлж идээд ч барахааргүй “Цагаан Суваргын Орд”-ын эзнээр тодроод байгаа түүнийг “пээдгэр” гэхээс яахав. Ямар ч гэмт хэрэг, ямар ч шуугиан дэгдээгээд “дээрээс харж” ярьж, зандарсаар байгаад л ямар ч асуудалгүй мултарчихдаг Н.Номтойбаярын имижийг хамтдаа сонирхоё.