Дэвид Бекхэм ”Уимблдон”-нд саатлаа

Талбайн теннисний "Их дуулга" тэмцээний хамгийн нэр хүндтэй нь болох "Уимблдон" Английн Лондон хотноо үргэлжилж байна. Нийт 25 сая еврогийн шагналын сантай "Уимблдон"-ы аваргууд ирэх амралтын өдрүүдэд тодорно.

128 дахь удаагийн "Уимблдон"-ы тоглолтуудыг дэлхийн алдартай тамирчид, дуучид, улстөрийн зүтгэлтнүүд хүрэлцэн ирж үзсээр байна. Өнгөрөгч бямба гаригт болсон тоглолтыг үзэхээр олон алдартнууд хүрэлцэн ирсэн бөгөөд тэдний дунд Английн нэрт хөлбөмбөгч Дэвид Бекхэм байсан. Дэвид Бекхэм 2000-2006 оны хооронд Английн хөлбөмбөгийн шигшээ багийн ахлагчаар ажиллаж байна. ФИФА-гийн оны шилдэг хөлбөмбөгчний шагналд хоёр удаа аман хүзүүдэж байсан тэрээр 2004 оны дэлхийн хамгийн өндөр цалинтай хөлбөмбөгчнөөр нэрлэгдэж байсан.

Бямба гаригийн тоглолтод Испаний Рафаэль Надаль, Швейцарийн Рожер Федерер, ОХУ-ын Мария Шарапова нарын одууд өрсөлдөгчөө хожсоноор шөвгийн 16-д шалгарсан бол дэлхийн манлай теннисчин АНУ-ын Серена Уилямс ялагдал хүлээжээ.