Сураг нь алдарсан Баасан хатагтай жүжигчин болохоор шийдэв үү?

Хийсэн үйлдэл хэлсэн үг бүхэн нь олны гайхширлыг төрүүлж байдаг олон хүн байдаг. Эдгээр хүмүүсийн нэг бол Ахмадын чөлөөт холбооны тэргүүн Г.Баасан. Тэрээр үе үеийн сонгуулиар Төрийн ордны гадна тэмцэл, цуглаан хийдэг байсан бол энэ хаврын хувьд бараг л харагдаагүй гэхэд болно. Түүнийг МҮОНТ-ийн бүтээл “Ялагдашгүй” нэртэй олон ангит уран сайхны кинонд ам хэлтэй, шударга цэвэрлэгчийн дүр бүтээснийг олж үзсэн үзэгчид их л гайхан хүлээн авч, тэмцэл хийхээ болиод кино жүжигчин болж хэмээн жиг жуг хийж байна.