Б.Жаргалсайхан: Урнаад хайртай гэдгээ батлахын тулд давс идэж байлаа

Урлагын үлгэр жишээ гэр бүлийн нэг бол яахын аргагүй МУГЖ Урнаа болон Жаргалсайхан нар билээ. Олон сайхан дүрийг бүтээж өдгөө сайхан амьдарч буй хосуд маань өчигдөр болсон “Гэгээн муза” наадамд хүрэлцэн ирсэн юм. Тэд нэгэн удаа өөрсдийнхөө хайр сэтгэлийн талаар ийнхүү ярьж байжээ. Нэг зүйлийг асуухад, та хайртай гэдгээ баталж байгаа нь тэр гээд давс идсэн гэдэг? Үнэн, үнэн. Тэр чинь ингэсэн юм. Эрхүүгийн бэлтгэлд байхад болсон зүйл л дээ. Цайны газар хамтдаа хоол идээд сууж байтал Уугий “чи надад хайртай гэдгээ ямар нэгэн зүйлээр батал” гэдэг юм. Хартал ширээн дээр савтай давс байна. Түүнээс амны том халбагаар хутгаад явуулчихгүй юу. Хахаж цацаад, нус нулимстайгаа холилдоод сүйд болсон. Тэгж л хайртай гэдгээ баталж байлаа даа. Гэргийтэйгээ анх үерхэж нөхөрлөснөөс хойш 27 жил болж байна. Албан ёсоор хуримаа хийгээд 25 жил болж байна.