Үргээлгийн эзэн Навчаа

Хахир хатуу захирал, алиа будилуу эгч, амьдралын жаргал, зовлонд нухлагдсан эмэгтэй, сайхан сэтгэлт үйлчлэгч гээд нэгэн хэвд баригддаггүй олон дүрийг гаргаж чаддаг ганц хамелеон жүжигчин кино урлагт тодроод байгаа. Тэр бол жүжигчин Б.Навчаа. Сүүлийн үед Навчаагүй кино, Навчаагүй реклам гэж байхгүй болчихоод байна. Тэрээр хамгийн сүүлд “Үргээлэг” уран сайхны кинонд гол дүрийг бүтээсэн. Тэрээр өдрийн цагаар дэлгүүрийн эзэн, шөнийн цагаар Монгол охидоо худалддаг Хятадуудын гар хөл болсон бүсгүйн дүрийг бүтээжээ. “Үргээлэг” хэмээх энэхүү кино маш гайхалтай бүтээл болсон байна лээ.