”Backstreet Boys”-ын Ник гэрлэлээ

"Backstreet Boys" хамтлагийн гишүүн, дуучин Ник Картер хуримаа хийжээ. Дуучны хуримын ёслол Калифорнийн Санта-Барбарад болсон байна. Хэзээ ч гэрлэхгүй хэмээн ам гарч байсан дуучин залуу олон жилийг хамтдаа үдсэн найз бүсгүй Лоррен Киттэй гэрлэжээ. Фитнесийн мэргэжилтэн Лорен Китт өмнө нь хэд хэдэн кинонд тоглож байжээ. 
Хамтлагийн гишүүд нь бүгд оролцсон энэ хуримд нэг л зочин ирээгүй нь Никийн дүү Аарон Картер гэнэ. Вашингтонд арга хэмжээтэй байсан тэрээр ахынхаа хуримд амжиж очих гэсэн боловч нислэг таарахгүй хожимджээ. 
Ник Картер найз бүсгүйтэйгээ өнгөрсөн оны хоёрдугаар сард сүй тавьж байжээ.