“Хар сарнай” хамтлагийн Амраагийн хатан ижий

Монгол Улсын төрийн соёрхолт, урлагийн гавьяат зүтгэлтэн Сэвжидийн Сүхбаатарын гэргий СТА Оюунжаргалын биеэ авч яваа байдал болоод хувцаслалт, эд зүйл шилж сонгох мэдрэмжээрээ чуулгын хүүхнүүдийн үлгэрлэл болдог. Угаас гоёж дэгжирхэх дуртай хүүхнүүд тэднийг хаанаас юу худалдаж авч, юу өмсч байгааг нь хүртэл дуурайдаг. Сүүлийн үед хоёр хүүгээрээ гоёж, хамтын уран бүтээл хийх болсон СТА Оюунжаргал бараг л рок попынхны эгнээнд элсэх шахаад байгаа. Ер нь Сэвжидийн Сүхбаатар гэр бүлээрээ тоглолт хийх цаг ойртож байгаа бололтой. Хэрвээ тэд гэр бүлийн тоглолт хийвэл эхнэр нь хоёр хүүтэйгээ дуулж, нөхөр нь бүжиглэж үзэгчдийг байлдан дагуулж чадах нь гарцаагүй билээ.