Харангын Лхагваад морин жилд илгээгдсэн хамгийн том бэлэг

“Харанга” хамтлагийн дуучин Х.Лхагвасүрэн шинэ оны өмнөхөн хүүтэй болсон талаар бид мэдээлсэн. Тэгвэл дуучин маань морин жилээ бэлэгдэж шинэ хүндээ Хүлэг хэмээх нэрийг хайрласан байна. Түүнчлэн эхнэр хүү хоёроо халамжлаад завгүй яваа Х.Лхагвасүрэн “Ах нь шинэ жилийн өмнөхөн хүүтэй болоод бөөн баяр боллоо. Биднийг зориод ирсэн үрээ хараад ханахгүй, баярлаад сууж байна. Тоглолт арга хэмжээнд уригдсан ч хүүдээ очихоор яардаг. Хүүхэд гэдэг бурхан юм даа” хэмээн баярласан сэтгэлээ илэрхийлжээ.