Биберийг АНУ-аас хөөхийг хүсчээ

Дуучин Жастин Биберийг үзэн ядагчид түүнийг АНУ-аас хөөхийг “Цагаан ордон”-оос хүсчээ. АНУ-ын “Цагаан ордон”-ы “We The People” цахим хуудсанд өчигдөр  /I.27/ Жастин Биберийн ногоон картыг цуцалж, АНУ-аас хөөхийг хүссэн 40 мянган гомдол ирсэн байна. Биберийг үзэн ядагчид түүнийг согтуугаар жолоо барьж, бусадтай уралдсан хэргийн улмаас Майамийн шүүхэд дуудагдсанд ихээр дургүйцсэн аж. Ийнхүү түүнийг эсэргүүцэгчдийн тоо нэмэгдсээр байвал АНУ-ын Барак Обама Канадын залуу од Жастин Биберийг Нэгдсэн улсаас хөөх тухай авч хэлэлцэх гэнэ. Учир нь Цагаан ордоны “We The People” портал дээрх гомдол, саналын тоо 100 мянга хүрсэн тохиодолд АНУ-ын Ерөнхийлөгч Барак Обама асуудлыг анхааралдаа авч, судалж үзэх үүрэгтэй аж.