Малайзад амиа алдсан Монгол бүсгүйг зураг нийтэд дэлгэгдлээ

Малайз улсад өнгөрсөн арваннэгдүгээр сард нэгэн монгол бүсгүй учир битүүлгээр амиа алдсан хэрэг гарсан. Тус улсын цагдаагийн байгууллагынхан бүсгүйг өөрийгөө егүүтгэсэн гэх мэдээллийг ар гэрийнхэнд нь өгсөн. Харин талийгаачийн ар гэрийнхэн охиныгоо хэн нэгний эрхшээлд орон, бусдад худалдагдсан гэх мэдээллийг өгч байгаа бөгөөд өөрийнхөө амийг хорлосон гэдэгт итгэхгүй байгаа бөгөөд энэхүү хэргийг шалгуулж байгаа билээ. Энэхүү хэргийг сурвалжилж үнэн бодит мэдээлэлийг “Өдрийн сонин”-ы сэтгүүлч н.Дэлгэрцэцэг Малайз улсыг зорьсон бөгөөд тэрбээр тус улсын эрх бүхий дарга нартай уулзаж, мөн талийгаачийн хамтран амьдарч байсан Хятад залуутай хүртэл уулзсан билээ.

Бүсгүйд ар гэрийхнээс нь зөвшөөрөл авалгүйгээр задлан шинжилгээ хийсэн бөгөөд задлан шинжилгээ хийх үеийн бичлэгийг Малайзын тал устгасан талаархи мэдээллийг сониноороо дамжуулан өгөөд байгаа. Тэгвэл өнөөдөр талийгаач бүсгүйн зургийг олон нийтэд дэлгэлээ.