Хөөрхөн алаг нүдэнд чинь гунигийн сүүдэр бүү тусаг

Х ТҮЦ продакшны залуу жүжигчин Хулан хамтлагаасаа хөөгдөн, нэг хэсэг шар хэвлэлийн бай болж байсан цаг саяхан. Чухам ямар шалтгааны улмаас хамтлагаасаа хөөгдөв хэмээн амтай болгон л шивэр авир гэлцэж байв. Зарим нь жүжигчин Т.Бархүүтэй учир ургуулан, гавьяат жүжигчин И.Одончимэгт хөөгдсөн гэх. Энэ яриа намжаагүй байхад мөн л түүний талаар дахин мэдээлэл цацагдаж эхэлсэн юм. Тэрээр өөрөөсөө олон насаар ах өвөрлөгч эртэй суусан гэсэн мэдээлэл. Энэ талаар жүжигчин бүсгүй ам нээх болгондоо “миний сонгосон амьдралд өөр хөндлөнгийн хүмүүсийг оролцуулахыг хүсэхгүй байна. Тэгээд ч миний хань хятад хүн биш хэмээн олон удаа өмөөрч байсан удаатай. Тэгвэл жүжигчин бүсгүйн дараагийн сенсааци бол нүцгэн биеийн сайхныг алдаршуулах байлаа. Хөөрхөн хэрнээ цаанаа л секси төрхтэй Хулан хамгийн сүүлд гэхэд л UBS music awards-ыг хөтөлжээ.